FAKTA INFO
Ein skitur som kan by på store og mektige kontrastar og variasjonar
På ein og same tur tur kan du møte varmande vår og full vinter, sludd på tvers og steikande sol, grauttåke med 10 meter sikt og flott utsikt til kvasse tindar og vide vidder.
Me går frå Bjønnstegane nord i Jostedalen til Flatbrehytta i Fjærland. Undervegs gjer me avstikkarar til flotte utsynspunkt som Brenibba (2018), Kjenndalskruna (1830), Høgste Breakulen (1957) og ev. Supphellenipa (1731).
Oppstiginga den fyrste dagen tek omlag 10 timar og er bratt. Etappane dei påfølgjande dagane går i lettare og flatare terreng. Siste dagen er det nedkøyring til Flatbrehytta og deretter til fots bratt ned til Fjærland ved Sognefjorden. Varigheit ca. 10 timar per dag (siste dagen 6-7 timar).
-
Kurslokal Bretun
-
Inkludert
En natt på Bretun og og transporten frå Fjærland tilbake til Jostedalen etter avslutta tur.
Ikkje inkludert
Mat og drikke, telt og kokker.
-
Dette er ein tung skitur i bratt vestlandsterreng med ryggsekk på 15-20 kg. God kondisjon og skierfaring frå høgfjellet er nødvendig. Aldersgrense 15 år.
-
Kursstaden Bretun
Breførarlaget sitt kurslokale Bretun ligg i Krundalen, ein markert sidedal til Jostedalen. Det er 2,5 km til bygdesentrumet Gjerde med butikk og bensinstasjon, kafe, hotell og campingplass. Det er og kort avstand til breane og fjella i Jostedalen.
Bretun har overnattingskapasitet til omlag 25 personar, dusjar/wc, tørkerom og vaskemaskin, matsal med kjøken (sjølvhushaldning), oppvaskmaskin og ei romsleg og koseleg peisestove.
Det finnes ikkje sengetøy i Bretun, så ta med sovepose. Rom med 4-8 køyesenger.
-
Informasjon om busstransport
