FAKTA INFO
Privat kurs per pers. (min. 3 personar)
Alder: 17+
kr 8,990.00
Grunnleggande innføring i is- og fjellklatring
Kurset gjev ei grunnleggande innføring i is- og fjellklatring. Passar for deg som har gjennomført brekurs eller har tilsvarande erfaring frå brevandring.
Deltakarane må vere kjende med rett bruk av stegjarn, isøks og tau og treng å ha erfaring med kameratredning frå bresprekk. Det er ikkje krav om tidlegare fjellklatreerfaring.
Jostedalen er ein godt eigna stad for å lære is- og fjellklatring. Her finn du bra klatreterreng og flotte brefall.
Det alpine fjellområdet Hurrungane i Vest-Jotunheimen er innanfor kort rekkevidde.
Kurset innheld:
- Fjell- og isklatring
- Taulagsrutinar på is og fjell
- Sikrings- og redningsteknikkar
- Rapellering
- Bruk av førarverk
- Risikoanalyse
- Alpine farar
- Planlegging av alpine turar over fleire taulengder
-
Kurslokalet Bretun
-
Inkludert
Overnatting og båttransporten på Nigardsbrevatnet.
Ikkje inkludert
Mat og drikke, breutstyr, klatresko og biltransporten til Jotunheimen.
-
Kursstaden BretunBreførarlaget sitt kurslokale Bretun ligg i Krundalen, ein markert sidedal til Jostedalen. Det er 2,5 km til bygdesentrumet Gjerde med butikk og bensinstasjon, kafe, hotell og campingplass. Det er og kort avstand til breane og fjella i Jostedalen.
Bretun har overnattingskapasitet til omlag 25 personar, dusjar/wc, tørkerom og vaskemaskin, matsal med kjøken (sjølvhushaldning), oppvaskmaskin og ei romsleg og koseleg peisestove.
Det er ikkje sengetøy på Bretun, så ta med sovepose. Rom med 4-8 køyesenger.
-
For å delta på dette kurset treng ein å vere i god fysisk form og ha gjennomført brekurs eller ha tilsvarande erfaring.
-
Informasjon om busstransport:
-
Dersom deltakaren ikkje møter opp eller avbryt kurset blir ikkje kursavgifta refundert.
Våre førarar har rett til å utelukke/bortvise ein deltakar frå bestilt kurs, dersom vedkommande ikkje tilfredsstiller dei fysiske krava som kurset stiller og det utan at det kan krevjast økonomisk kompensasjon.
-
